Шон Диди Комбс се соочува со нови обвиненија. Новата наводна жртва во тужбата поднесена во Њујорк изјавила дека раперот ја силувал во 2000 година кога била 16-годишна ученичка. Во тужбата, до која дојде магазинот „Пипл“, се наведува дека тужителката во тоа време живеела на Менхетен со нејзините родители и работела како дадилка во станбена зграда.
Наводно, една од поранешните девојки на Диди живеела во истата зграда.
Во една прилика, тврди тужителот, се сретнала со Диди и двајца мажи кои работеле за него. Диди, според неа, неколку пати ја прашал дали ѝ треба возење до дома. Таа му рекла дека живее „зад аголот“, но во една прилика влегла во неговиот автомобил. Таа тврди дека била збунета кога сфатила дека не ја однеле дома како што ветиле претходно. Тие и понудиле пијалок, по што таа вели дека се чувствувала „поспана“ и „нестабилна“.
После тоа, тврди обвинителот, ја однеле на непозната локација каде Диди ја силувал. Потоа ја вратиле дома и ја оставиле во фоајето на станбената зграда.
Оваа тужба доаѓа по повеќе од триесет други обвинувања против Комбс, бидејќи неговата поранешна партнерка Касандра Каси Вентура ја поднесе својата првична тужба во ноември 2023 година. Диди моментално е во затвор во Бруклин, каде што го чека судењето закажано за мај. Тој се изјасни за невин.
55-годишниот рапер се соочува со обвиненија за сексуална трговија и перење пари, меѓу бројните други обвиненија.
Текстот Нова тужба против Диди: „Ме силуваше кога имав 16 години и ме остави во фоајето на зградата“ е превземен од МАКФАКС.
