Авион на швајцарската авиокомпанија „Свис“, на лет меѓу Цирих и Букурешт, морал вчера принудно да слета во Грац, Австрија поради чад во кабината и во пилотската кабина, соопшти авиокомпанијата.
„Длабоко сме загрижени за здравјето на членот на екипажот, кој со хеликоптер беше пренесен во болница во Грац, чија состојба се уште е неизвесна. Останатите четворица членови на екипажот исто така се под медицински надзор“, се вели во соопштението.
Kabindeki Duman Sebebiyle Acil İniş Yaptı
Swiss Havayolları’nın #LX1885 Bükreş – Zürih seferini yapan HB-JCD tescilli Airbus A220-300 tipi uçak, uçuş esnasında kabinde duman çıkması sebebiyle Graz Havalimanı’na acil iniş yaptı. Yolcular hızla tahliye edilirken bazı yolcuların… pic.twitter.com/GMfOY3RNoz
— HavaSosyalMedya (@HavaSosyalMedya) December 23, 2024
Се додава дека аеродромот во Грац се уште е затворен, а Ербас А220-300 се уште е на пистата.
Летачкиот екипаж одлучил итно да слета во Грац и да го евакуира авионот „по проблеми со моторот и откривање чад во кабината и во пилотската кабина“.
„Во авионот имало 74 патници и 5 членови на екипажот. Авионот слетал безбедно и сите патници се евакуирани“, соопшти компанијата.
Десет патници побарале лекарска помош.
„Во контакт сме со локалните власти и работиме на утврдување на причината за принудното слетување, како и на планирање на следните чекори“, посочуваат од „Свис“, подружница на германска Луфтханза.
Текстот (Видео) Авион од Цирих принудно слета во Грац поради чад во кабината и пилотската кабина, има повредени е превземен од МАКФАКС.
