Пред две децении, една од најблиските министерки до премиерот Христијан Мицкоски, го покажала своето убедување дека има бугарски идентитет и корени, пишува во свој материјал БГНЕС, пренесува Трибуна.
Изјавувам дека имам бугарска самосвест и бугарско потекло. Ова во 2004 година го напишала актуелната македонска министерка за енергетика и бугарска државјанка Сања Божиновска.
На 18 октомври годинава Божиновска свечено соопшти дека „ниту еден граѓанин на (Северна) Македонија кој се стекнал со бугарско државјанство не се чувствува како Бугарин“. Таа тврди дека поднела барање за бугарско државјанство, како и десетици илјади други Македонци, исклучиво од „економски причини“. Божиновска ја нарече постапката „измама со документи воведена од бугарската држава“.
Во октомври 2004 година, во изјавата кога аплицирала за бугарско државјанство, Божиновска изјавила дека нејзината мајка и татко – Виолета и Перо – биле Бугари.
Ниту еден граѓанин на Македонија не потпишал декларација дека се чувствува како Бугарин, бидејќи тоа го прават бугарските адвокати кои земаат пари за посредување“, напиша Божиновска во својата објава на Фејсбук од 18 октомври.
Наспроти нејзините тврдења, Божиновска, а не нејзиниот адвокат, лично потпишала декларација во која напишала: „Изјавувам дека имам бугарска национална свест и имам бугарско потекло“.
Така, пред две децении, една од најблиските министерки до премиерот Христијан Мицкоски го покажала своето убедување дека има бугарски идентитет и корени. Во декларацијата на Божиновска не се наведени „економски причини“ или „работа во странство“ како причина што таа ја тврди. Вакви основи за државјанство не постојат според бугарското законодавство. Згора на тоа, во 2004 година, Бугарија сè уште не беше членка на Европската унија. Сања Божиновска добро знаела за постапката, бидејќи покрај мајка ѝ и татко ѝ, нејзиниот брат Даниел е бугарски државјанин.
Како и премиерот Мицковски и вицепремиерот Александар Николовски, Божиновска е една од личностите кои тврдат дека во Северна Македонија има „неколку стотици Бугари“. Таа во својата објава вели: „Всушност, ова го видовме на македонскиот попис (2021) со изброен исклучително симболичен број Бугари (3.504)“. Во исто време, податоците во Бугарија покажуваат дека околу 200 илјади граѓани на Северна Македонија имаат бугарско државјанство, стекнато врз основа на нивното бугарско потекло. Тоа значи дека денес секој петти етнички Македонец има бугарско државјанство и има право на бугарски пасош.
Божиновска е кривично одговорна според бугарското законодавство доколку приложила лажни податоци во декларацијата што ја потпишала.
Благодарение на личните бугарски документи, Божиновска го завршила високото економско образование во чешкиот главен град Прага под повластени услови, бидејќи е државјанин на земја членка на Европската унија. Подоцна, таа успеа да добие чешко државјанство поради нејзиниот долгогодишен престој во Чешка – повторно благодарение на нејзиниот бугарски пасош.
Божиновска во 2023 година до бугарските институции доставила изјава за престој во странство (Чешка), со која го потврдува работното место – вработена во локална компанија. Работела како директорка во хрватската компанија Руднап како бугарска државјанка. Тоа го потврдува и регистрацијата во Стопанскиот суд во Загреб.
Освен што е министерка од потесното опкружување на Мицкоски, бугарски државјанин и сопственичка на имоти од над 1 милион евра, Божиновска е позната и по врските со криминалниот свет.
Сопственикот на компанијата „РУДНАП ГРУП“ Воин Лазаревиќ во најмала рака има контроверзна репутација, а неговото име е во т.н. „Panama Papers“. Тој е обвинет за бројни криминални шеми за десетици милиони евра, додека Божиновска раководи со еден од неговите главни бизниси.
Сања Божиновска во неколку наврати ги излажа граѓаните на Северна Македонија дека повеќе не е бугарска државјанка. Министерката во кабинетот на Мицкоски во септември годинава поднела барање за откажување, но не добила указ за ослободување од државјанство.
