Во светот на брзорастечката козметичка индустрија, изборот на вистинска едукација може да направи клучна разлика меѓу успехот и просечноста. Пантеа Тренинг Центар, со својата долгогодишна традиција и иновации, се истакнува како еден од водечките центри за професионална обука во нашата земја. Со програми верифицирани од Министерството за Образование и Наука, признати сертификати и едукации кои ги следат најновите трендови, Пантеа е местото каде што идните професионалци ја започнуваат својата патека кон успехот.
Со Пантеа Тренинг Центар, добивате флексибилност – обуките можете да ги следите во нашите модерно опремени простории или нашиот искусен тим може да ве посети на вашата локација, обезбедувајќи ви врвна едукација каде и да сте.
*Во интервјуто што следува, дознајте зошто токму Пантеа Тренинг Центар е вашиот идеален партнер за развој во козметичката индустрија.*
*П: Ирена, кажете ни повеќе за Пантеа Тренинг Центар. Што претставува и кои се вашите цели?*
**ИС:** Пантеа Тренинг Центар е институција посветена на професионална едукација во областа на козметиката и нега на телото. Нашата главна цел е да понудиме висококвалитетни обуки со кои нашите курсисти ќе можат да изградат успешни кариери како сертифицирани професионалци. Откако ја анализиравме моменталната понуда на пазарот, сфативме дека има потреба од нови, иновативни можности за професионален напредок во оваа област. Со тоа, отворањето на Пантеа донесе позитивна промена во козметичката индустрија во нашата земја. Горди сме што нашата програма за Козметичар за нега на лице, врат и деколте е верифицирана од Министерството за Образование и Наука на Северна Македонија, што ни дава дополнителна сигурност дека нудиме квалитетна и релевантна едукација.
*П: Какви обуки нудите во вашиот центар?*
**ИС:** Нудиме широка палета на обуки кои ги покриваат најважните аспекти од козметичката индустрија. Нашите програми вклучуваат: Козметичар за нега на лице, врат и деколте, депилација, мадеротерапија, иглена и безиглена мезотерапија и ПРП, 5 техники на професионална масажа, лимфна дренажа, пилинг на тело во салонски услови, петрисаж масажа и руски педикир. Секој од овие курсеви е внимателно дизајниран да ги следи најновите трендови и потреби на пазарот, со цел нашите курсисти да бидат максимално конкурентни и успешни.
*П: Како се одвива процесот на учење и колку време траат обуките?*
**ИС:** Нашите обуки се дизајнирани да ги комбинираат теоријата и практиката на најефикасен можен начин. Курсистите имаат можност да учат преку директна работа, водени од едукатори со огромно искуство. Во зависност од програмата, обуките траат од неколку дена до неколку месеци. Нашите простории се целосно опремени за да им обезбедат на курсистите реално искуство, подготвувајќи ги за предизвиците на пазарот на труд.
*П: Што ве издвојува од другите центри кои нудат слични обуки? Зошто да ве изберат вас?*
**ИС:** Пантеа Тренинг Центар е уникатен по многу нешта. Прво, нашиот тим со мене како козметичар со над 25 години искуство во козметичката индустрија и 8 години искуство како едукатор, и д-р Ана Марија Гркова која ги држи медицинските обуки за ПРП и иглена мезотерапија значи дека курсистите добиваат знаења и вештини од прва рака. Второ, нашите обуки се одржуваат во модерно опремени простории, што им овозможува на студентите да работат во реални услови и да стекнат максимално практично искуство. И на крај, нашата програма постојано се освежува и адаптира на најновите трендови, така што курсистите секогаш се во чекор со индустријата.
*П: Какви можности нудите за курсистите кои ќе завршат некоја од вашите обуки?*
**ИС:** Курсистите кои ги завршуваат нашите обуки добиваат сертификати кои се признати не само во нашата земја, туку и на меѓународно ниво, што значи дека можат да ја продолжат својата кариера каде и да посакаат. Освен тоа, нашите програми се дизајнирани да вклучуваат многу практична работа, што им помага на курсистите веднаш да се вклучат во работната средина – без разлика дали сакаат да започнат свој бизнис или да работат во веќе постоечки салони.
*П: Дали нудите некакви олеснувања за плаќање?*
**ИС:** Апсолутно. Свесни сме дека инвестирањето во едукација може да биде значајна одлука, па затоа овозможуваме плаќање на месечни рати. Нашата цел е да обезбедиме пристапност и да им дадеме можност на сите кои сакаат да се усовршат и да изградат успешна кариера во козметичката индустрија.
*П: Што би им порачале на оние кои се двоумат дали да се запишат кај вас?*
**ИС:** Ако сакате да бидете дел од најдобрите и да учите од професионалци со долгогодишно искуство, Пантеа Тренинг Центар е вистинскиот избор за вас. Нашите сертификати се признати на национално и меѓународно ниво, а ние нудиме програми кои се прилагодени на најновите трендови и технологии. Ова е шанса за вас да изградите успешна и сигурна кариера во индустрија која постојано расте и се развива.
Следете ги на Фејсбук и Инстаграм за да бидете во тек со најновите поволности кои секојдневно ги нуди ПАНТЕА ТРЕНИНГ ЦЕНТАР.
ПР текст
Текстот Интервју со Ирена Стаменковска, сопственик на Пантеа Тренинг Центар: Партнер во вашиот професионален развој е превземен од МАКФАКС.
