Европскиот суд на правдата ја казни американската мултинационална корпорација „Гугл“ (Google) со 2,4 милијарди евра поради прекршување на антимонополските прописи со тоа што претпочиташе да ја промовира сопствената услуга пред конкурентите.
Како што се наведува во соопштението на Европскиот суд на правдата „Гугл“ манипулирал со своите страници за пребарување за да ја истакне својата услуга за споредување на купување, прикажувајќи ја на истакнато место со „атрактивни слики и текстуални информации“. Поради тоа резултатите од конкурентските услуги беа помалку видливи.
– Комисијата откри дека „Гугл“ ги фаворизира резултатите од сопствената услуга за споредување на купувањето пред резултатите од конкурентските услуги, се наведува во извештајот.
Овој пристап, како што наведе судот, е јасна злоупотреба на доминантната позиција на „Гугл“ на пазарот.
И покрај признанието дека доминантните компании понекогаш може да ги фаворизираат сопствените производи, судот нагласи дека таквото однесување мора да се оценува во специфичниот контекст на конкуренцијата и пазарната практика, пренесе МИА.
