Северна Кореја потврди дека ќе лансира извидувачки сателит во јуни, велејќи дека ѝ е потребен за да ги следи воените движења на Соединетите Држави и нивните партнери во реално време, објавија државните медиуми во понеделникот (29-ти мај), цитирајќи висок претставник на одбраната.
Државната агенција КЦНА го цитираше Ри Пјонг Чол, потпретседател на Централната воена комисија на владејачката партија, кој вели дека „воениот извидувачки сателит бр. 1“ ќе биде „лансиран во јуни“.
Наведувајќи ги „непромислените“ акции на Вашингтон и Сеул, Ри рече дека Северна Кореја чувствува „потреба да ги прошири своите разузнавачки средства и да ги подобри различните одбранбени и офанзивни оружја“ во обид да ја зајакне воената готовност.
