Албанскиот премиер Еди Рама рече дека односите меѓу Косово и Србија се подобри од било кога досега, но затворањето на дијалогот меѓу двете земји би довело до уште поголема релаксација на односите. Ќе значи затворање на поглавјето на конфликти во регионот.
„Би рекол дека дијалогот Косово-Србија е прашање кое останува големо, а решението на ова прашање значи трајно затворање на едно поглавје, поглавје со многу поглавја на крв и конфликти. Тоа е многу важна и стратешка работа. Сепак, во однос на овој конкретен елемент, ова конкретно прашање, односите меѓу Косово и Србија никогаш не биле толку добри како што се во моментов. Тоа е прилично добар однос во споредба со она што беше порано. Сепак, има уште многу што треба да се направи за да се променат овие односи“, рече Рама.
