Хрватскиот Парламент в четврток ќе расправа за импичмент на премиерот Андреј Пленковиќ, првпат откако тој ја презеде функцијата во октомври 2016 година.
Импичмент на премиерот побараа 33 пратеници на опозицијата, а иницијативата ја покрена Татковинско движење (Домовински покрет) кое во соработка со другите пратеници на опозицијата ги собра потребните потписи за предлогот да се најде во собраниска процедура.
Опозицијата наведува дека има бројни причини за импичмент на премиерот – од аферата Јанаф, над милијарда куни извлечени од ИНА и затворањето на рафинеријата во Сисак, немање реформи во здравството, до аферата СМС.
Власта ги отфрла како неосновани сите наводи во предлозите на опозицијата и посочува дека нема основа за гласање недоверба на премиерот.
