Тим од 12 спасувачи и пет кучиња од Планинската спасувачка служба (ПСС) на бугарскиот Црвен крст (БЧК) вечерва заминаа за Турција за да се вклучи во спасувачките акции по земјотресите во јужниот дел на земјата. Ова го соопшти прес-центарот на БЧК. Организацијата е подготвена да обезбеди хуманитарна помош од своите резерви за катастрофи.
„Во моментов во исклучително тешки услови на терен работат искусни и специјално обучени екипи, а нивната основна цел е да ги спасат ранетите и повредените. Треба да се изврши проценка на долгорочните потреби, за што колегите од Турската Црвена полумесечина (ТЦРЦ) ќе дадат дополнителни информации“, јавуваат од БЧК, пренесува Трибуна.
БЧК е во постојана комуникација со турската Црвена полумесечина и формираниот штаб во Турција кој ја води операцијата за поддршка, како и со Министерството за внатрешни работи и Генералната дирекција „Противпожарна безбедност и заштита на населението“.
