ИАКО консумирањето кафе има свои придобивки за нашето тело, многу трудници имаат одредена доза на загриженост кога станува збор за негативните ефекти на кофеинот врз здравјето на бебето. Имено, бројни истражувања покажале дека премногу конзумирање на кофеин за време на бременоста може да доведе до многу несакани последици, меѓу другото го зголемува ризикот од спонтан абортус, дека детето е родено со мала родилна тежина, а може да предизвика и непријатни несакани ефекти за бремени жени како несоница или металоиди, пренесува Very Well Family.
Сепак, експертите не уверуваат дека ниту една трудница не треба целосно да го исклучува кафето за време на бременоста, бидејќи умереното консумирање не остава штетни последици. Според податоците од истражувањето на оваа тема, Американскиот конгрес на акушери и гинеколози препорачува трудниците, како и оние кои планираат да забременат, да го ограничат внесот на кофеин на 200 mg дневно. Со други зборови, лекарите сметаат дека максимум две шолји кафе дневно не претставуваат ризик за детето и трудницата.
Исто така, потребно е да се земе предвид дека кафето не е единственото кое содржи дози на кофеин, го има и во зелениот и црниот чај, чоколадото, газираните сокови и енергетските пијалоци.
