Ливерпул е заинтересиран за играчот од средниот ред на Челси, Мејсон Маунт. Англискиот интернационалец има договор со „сините“ до летото 2024 година. Доколку лондончани не успеат да се договорат за нов договор со Маунт во наредните месеци, Ливерпул ќе се обиде да ја искористи ситуацијата на лето.
И Јувентус го следи развојот на настаните и има интерес за Мејсон Маунт. Челси нема желба да се раздели со играчот кој од младинските денови е во клубот и еден од најдобрите играчи во последните неколку години. Маунт е еден од најслабоплатените играчи на „Стемфорд Бриџ“ и сака клубот да покаже респект кон него./Makfudbal/
