За новогодишните празници се подразбира дека ќе испиете уште неколку пијачки. Но, мамурлакот кој често доаѓа потоа во никој случај не е пријатно искуство, па повеќето луѓе сигурно би сакале целосно да го избегнат.
Според д-р Меган Роси, со следните пет совети можете да избегнете непријатен мамурлак по прославата.
Подгответе ги вашите цревни микроби
Еден од нејзините совети е да ги подготвите цревните микроби за да можат да ве заштитат од мамурлак.
„Ако вашите цревни микроби се во добра форма, поголема е веројатноста да произведат повеќе супстанции кои му помагаат на вашето тело да се заштити од воспалителните ефекти на алкохолот“, вели докторот.
Избегнувајте газирани пијалоци
Секој пијалок што содржи меурчиња веројатно ќе предизвика да се чувствувате ужасно следното утро, тврди Роси.
„Истражувачите од Медицинскиот истражувачки центар HPRU во Гилдфорд на волонтерите им даваа газирани и мирни пијалоци. Оние кои пиеле газирани пијалоци се опивале побрзо. Тоа е затоа што меурчињата предизвикуваат алкохолот побрзо да се апсорбира во крвотокот, надминувајќи ја способноста на црниот дроб да го вари со таква брзина, и колку е поголема концентрацијата на алкохол во крвта, толку е поголем неговиот ефект“, додава таа.
Избегнувајте мешање на алкохол со слатки пијалоци
„Внимавајте со сите пијалоци кои содржат вештачки засладувачи, а особено не мешајте ги со алкохол бидејќи следното утро може да имате непријатен мамурлак. „Студијата на Универзитетот во Северен Кентаки покажа дека кај луѓето кои мешале вотка и диетална сода, и вотка и обична сода, диеталната верзија доведе до 25 отсто поголема концентрација на алкохол во крвта“, објаснува д-р Роси.
Јадете добро пред да пиете алкохол
„За време на ноќното излегување, секогаш прво јадете добро за да ја забавите апсорпцијата на алкохолот и во исто време да му дадете шанса на црниот дроб да се освести, за да може барем малку полесно да се справи со алкохолот“, додава доктор.
Останете хидрирани
Д-р Роси ги советува сите барем да се обидат да го заменат секој друг пијалок со безалкохолен, како газирана вода со вкус или обична вода.
