Високиот претставник за надворешна и безбедносна политика на Европската унија Жозеп Борел соопшти дека полицијата на ЕУЛЕКС добила засилување за да обезбеди стабилност на Косово.
Advertisements
Борел на Твитер напиша дека „во овие тензични времиња во Косово, Мисијата на ЕУ за владеење на правото-ЕУЛЕКС ја исполнува својата должност да обезбеди стабилност“. Тој соопшти дека синоќа Европските сили на жандармерија, вклучително и карабинерите, пристигнале за привремено да ја засилат полициската единица на ЕУЛЕКС во Косово.
„ЕУЛЕКС ќе продолжи да поддржува мирна и безбедна средина“, напиша високиот претставник на ЕУ.
Зајакнувањето на полицијата на ЕУЛЕКС доаѓа откако припадниците на српската заедница ги напуштија сите косовски институции на северот на Косово, вклучително и полицијата и судството.
