Често користениот симбол за приказни за Европската централна банка (ЕЦБ), 14 метри висока и 50 тони сина скулптура на еврото сега е на продажба, бидејќи стана прескапа за одржување, пишува Политико.
Делото на германскиот уметник Отмар Хорл го одржуваше непрофитната организација Франкфуртер Култур Комитет, која ја води Манфред Пол веќе 21 година, а тој додава дека зголемениот вандализам и недостигот на спонзори доведоа до одлуката да се понуди скулптурата на аукција во октомври.
Контактиравме 110 банки во изминатите 12 месеци, а 90 од нив не ни одговорија, рече Пол.
Европската централна банка, која обезбедуваше 15.000 евра годишно за одржување на скулптурата, исто така не е заинтересирана за дополнително финансирање, ниту присуствуваше на состанок во април за да обезбеди одржување, рече тој.
Пол, сепак, додава дека неговата организација добила писма за интерес од бројни поединци и компании.
