Со три биса и громогласен аплауз заврши концертот „Flowe s Sympho y 2“, одржан на 16 ноември во Македонската филхармонија во Скопје.

Оркестарот ДИВА во симфониски состав и Градскиот мешан хор „Балтепе“ ја поведоа публиката низ музичка вечер исполнета со филмска музика, италијански канцони и оперски дела.

Продуцент и диригент на концертот беше Владимир Димовски, автор на целосната идеја за концертот и музичките аранжмани.

Во богатата програма беа вклучени бројни композиции, меѓу кои „Now We A e F ee“ од „Гладијатор“, „The Ecstasy of Gold“ од Енио Мориконе, теми од Ханс Цимер, „Ba celo a“, „Hijo de la lu a“ и „Glitte a d Be Gay“.

Овие дела беа само дел од репертоарот на концертот.

„Now We A e F ee“ ја изведе Јаворка Витанова, „The Ecstasy of Gold“ – Зана Абази-Рамадани, „Hijo de la lu a“ – Виолета Арсовска, „Ba celo a“ – Наде Талевска и Бојан Стојков, а „Glitte a d Be Gay“ – Биљана Талевска.

Како изненадување во програмата прозвуче и „Мирисот на жената“. Токму за време на изведбата, продуцентот и диригент Владимир Димовски слезе од сцената меѓу публиката и им подари рози на дамите во салата.

Гестот со розите е препознатлив дел од концертите „Виена во Битола“ и „Flowe s Sympho y“.

Публиката со силен аплауз трипати ги врати изведувачите на сцената. „Flowe s Sympho y 2“ заврши во атмосфера исполнета со емоции и овации, оставајќи зад себе вечер што публиката долго ќе ја памети.