Фудбалерот Родриго де Пол привлекува внимание со својот љубовен живот и неговата донекаде турбулентна врска со аргентинската ѕвезда.
Како што Светското првенство полека се приближува кон крајот, вниманието на јавноста е насочено и кон партнерките на фудбалерите кои ги поддржуваат своите избраници во текот на целото натпреварување.
Популарните „вагсици“ (WAG – Wifes And Girlfriends) се издвојуваат на речиси секој натпревар, секогаш има интересно модно издание, убава љубовна приказна или по некој скандал.
Меѓу нив е поранешната детска ѕвезда на Дизни, Тини Стесел, која ја започна својата кариера во аргентинската детска телевизиска серија „Патито Фео“. Оваа пејачка и актерка ужива во љубовта со Аргентинецот Родриго де Пол, поради што е наречена и „најжешката вагсица“.
Двојката првпат јавно ја потврди својата врска во јуни 2022 година, кратко откако фудбалерот раскина со својата поранешна партнерка Камила Холмс, со која доби две деца во десетгодишна врска.
Родриго и Тини јавно се поддржуваа еден со друг, вклучително и за време на победата на Аргентина на Светското првенство во 2022 година. Сепак, во август 2023 година, тие ја објавија својата разделба, наведувајќи дека сакаат да тргнат по различни патишта. Сепак, работите значително се променија од тогаш.
На почетокот на 2025 година, тие беа видени заедно во Мадрид, а медиумите потврдија дека ја обновиле својата романса. Оваа година, Тини навести дека наскоро би можеле да се слушнат венчални ѕвона за вљубениот пар.
Се проценува дека Тини и Родриго имаат вкупно богатство од околу 43 милиони долари, кое доаѓа од приходите на фудбалерот, но и од исклучително успешната музичка и телевизиска кариера на пејачката. Поголемиот дел од неговото богатство е составено од неговата плата од клубот, договорите со Атлетико Мадрид, како и трансфер и позајмица во Интер Мајами, заедно со бонуси за перформанси и бројни спонзорски договори.
По раскинувањето во 2023 година, Тини и Родриго решија да ѝ дадат на својата љубов уште една шанса и се чини дека нивната врска е посилна од кога било.
Иако на почетокот беа дискретни откако се смирија минатата година, со текот на времето повторно почнаа отворено да покажуваат емоции и да разменуваат нежни пораки на социјалните мрежи.
Текстот (Фото/Видео) Бурната љубов речиси го засени Светското првенство: Велат дека неговата партнерка е „најжешката девојка на фудбалер“ е превземен од МАКФАКС.
