Непознат маж бил спасен откако скокнал во реката Неретва кај Стариот мост во Мостар и исчезнал под површината на водата, јавуваат регионалните медиуми.
Според информациите, инцидентот предизвикал вознемиреност кај бројните туристи и граѓани кои се наоѓале во близина на мостот, но благодарение на брзата реакција на членовите на Клубот на скокачи и кајакарскиот клуб, избегната била трагедија.
На снимка објавена на социјалните мрежи се гледа како спасувачите интервенираат само неколку секунди откако мажот исчезнал под водата.
Идентитетот на лицето засега не е познат, а според локалните медиуми, се претпоставува дека станува збор за странски државјанин.
Стариот мост е една од најпознатите туристички атракции во Босна и Херцеговина и е познат по традиционалните скокови во Неретва. Сепак, експертите предупредуваат дека станува збор за исклучително ризична активност поради големата височина на мостот, силната речна струја и ниската температура на водата.
Ова е втор сличен инцидент на истата локација во последната година.
Текстот (Видео) Маж скокна во Неретва и исчезна под водата, спасен во последен момент е превземен од МАКФАКС.
