Иран ја разгледува можноста да ги прогласи објектите поврзани со компаниите на Елон Маск во регионот за легитимна цел, објавија иранските државни медиуми.
Техеран тврди дека американската и израелската војска го користат „Starlink“, сателитската интернет услуга на компанијата на Маск, „SpaceX“, објавува иранската новинска агенција „Фарс“.
Според „Фарс“, меѓу целите што се разгледуваат се копнените станици на „Starlink“ во Катар, Јордан, Обединетите Арапски Емирати и Оман, како и акционерите на „SpaceX“.
„Исламската Република Иран го задржува правото да ги нападне сите објекти поврзани со компаниите што ги управува Маск во регионот и на окупираните територии“, изјавил воен извор за „Фарс“.
Текстот Иран: Размислуваме да ги прогласиме објектите поврзани со компаниите на Елон Маск на Блискиот Исток за легитимни цели е превземен од МАКФАКС.
