Салма Хајек и нејзиното семејство оставија впечаток на гала вечера во Венеција. Мексиканската актерка беше придружувана од нејзиниот сопруг и ќерките на настанот организиран од семејството Пино, кој собра бројни познати личности и познати имиња од светот на забавата, пишува Hola!.
За таа пригода, Хајек, нејзината ќерка Валентина Пино и ќерката од првиот брак на нејзиниот сопруг, Матилда Пино носеа црни фустани. Хајек и Валентина избраа креации со отворени рамена, а актерката ја покажа својата фигура во тесен фустан украсен со нежни светкави кристали. Изгледот го надополни со лабави бранови во косата и суптилна шминка, така што фустанот остана во преден план.
Валентина се одлучи за сличен стил, избирајќи фустан направен од полупроѕирен материјал со прорез на ногавиците, под кој се гледаа сребрени чевли со високи потпетици. Косата во боја на мед ја носеше собрана во права пунџа.
Матилда, од друга страна, избра различен крој, но ја задржа темната палета. Фустанот со долги ракави имаше длабоко деколте и изрез на стомакот, а комбинацијата ја заокружи со црни потпетици и тенка златна огрлица.
Свечената вечера ја организираше семејството Пино, предводено од сопругот на Салма Хајек, Франсоа-Анри Пино, во соработка со Фондацијата Џорџо Чини, непрофитна институција во Венеција која промовира култура и уметност.
Хајек и Пино се во брак со години, а актерката често зборува за семејниот живот и мајчинството, како кон нејзината ќерка, така и кон децата на нејзиниот сопруг.
„Отсекогаш сакав да имам многу деца, но не можев. Моето тело, чудесно, донесе едно на свет“, рече таа во интервју за списанието „Ред“ во 2017 година. „Голем благослов е што мојот сопруг има уште три деца. Значи, јас имам вкупно четири. И сите се толку различни.“
Децата во семејството се Валентина, Матилда, Франсоа и Огистен, а Хајек често споделува новости за нив на социјалните мрежи.
„Ѝ должам важна лекција на Салма“, изјави Матилде за „Венити фер“ во 2022 година. „Таа е дива и има комплициран живот, но ме научи колку е важно да се поедностават сомнежите и стравовите, да се сведат на нешто појасно и полесно за поднесување. Често и се јавувам, и кога нешто ќе заглави, таа има способност да го симне товарот од проблемите и да ги претвори во пречки со кои можете да се справите чекор по чекор.“
фото/Depositphotos
Текстот (Фото) Салма Хајек и нејзините ќерки блескаат на гала вечера во Венеција е превземен од МАКФАКС.
