По бурна дебата, бугарското Народно собрание ја избра новата влада предложена од Румен Радев и Прогресивна Бугарија, јавува БГНЕС, пренесува Трибуна.
Радев беше избран за премиер со 124 гласа „за“ од пратениците на Прогресивна Бугарија. Пратениците на ГЕРБ-СДС беа воздржани, додека ДПС, Демократска Бугарија, Продолжуваме со промената и Преродба гласаа против.
Пратениците ја одобрија и структурата на новата бугарска влада, како и персоналниот состав на кабинетот. По гласањето, новите министри положија заклетва пред парламентот.
Новата влада ќе има 18 министри и четворица вицепремиери. Иво Христов и Атанас Пеканов ќе бидат вицепремиери без ресор, додека министерот за финансии Гулаб Донев и министерот за економија, инвестиции и индустрија Александар Пулев исто така ќе извршуваат вицепремиерски функции.
Во 107. влада на Бугарија ќе има едно министерство помалку, откако Министерството за електронско управување ќе биде споено со Министерството за иновации и раст, со цел оптимизација на работата и намалување на администрацијата.
Премиер – Румен Радев
Вицепремиер – Атанас Пеканов
Вицепремиер – Иво Христов Петков
Министер за економија, инвестиции и индустрија и вицепремиер – Александар Пулев
Министер за внатрешни работи – Иван Демерџиев
Министер за финансии и вицепремиер – Гулаб Донев
Министер за одбрана – Димитар Стојанов
Министерка за надворешни работи – Велислава Петрова-Чамова
Министер за правда – Николај Надејнов
Министер за иновации и дигитална трансформација – Иван Василев
Министерка за енергетика – Ива Петрова
Министер за транспорт и врски – Георги Пеева
Министер за регионален развој и уредување – Иван Шишков
Министерка за животна средина и води – Росица Карамфилова
Министер за земјоделство и храна – Пламен Абровски
Министерка за труд и социјална политика – Наталија Ефремова
Министерка за здравство – Катја Ивкова
Министер за образование и наука – Георги В’лчев
Министер за култура – Евтим Милошев
Министер за туризам – Илин Димитров
Министер за млади и спорт – Енчо Кирјазов
