Бродскиот сообраќај низ Ормускиот теснец е практично запрен од февруари, соопштија Обединетите нации.
Новообјавените податоци од Агенцијата на ОН за трговија и развој (UNCTAD) ги следат цените на превозот, храната и енергијата и финансиските пазари поврзани со тековните ограничувања во теснецот, изјави портпаролот на генералниот секретар на ОН, Антонио Гутереш.
Сообраќајот низ Ормускиот теснец е намален за 95 проценти
Податоците покажаа дека бројот на бродски премини низ Ормускиот теснец се намалил за 95,3 проценти од 28 февруари, изјави портпаролот Стефан Дужарик.
„Цените на храната се зголемија за 6 проценти, а цената на суровата нафта за Европа се зголеми за 53 проценти од тогаш“, додаде тој.
Откако САД и Израел започнаа напади врз Иран на 28 февруари, земјата одговори со блокирање на Ормускиот теснец.
Блокадата предизвика големи прекини во глобалната трговија, предизвика нагло зголемување на цените на енергијата и итни мерки за спречување на недостиг на гориво. Повторното отворање на теснецот беше една од главните точки на сопнување во преговорите за завршување на војната.
Текстот ОН: Сообраќајот низ Ормускиот теснец е речиси запрен е превземен од МАКФАКС.
