Холивудската актерка Кристина Еплгејт наводно е хоспитализирана во Лос Анџелес, објави TMZ. Ѕвездата од „Брачни води“, која се бори со мултиплекс склероза од 2021 година, наводно била примена во болница кон крајот на март и сè уште е таму.
Сè уште не е познато дали нејзината наводна хоспитализација е поврзана со болеста. „Не можам да коментирам дали е хоспитализирана или за нејзиниот третман. Таа има долга историја на сложени здравствени проблеми за кои зборувала многу отворено, како што е очигледно во нејзините мемоари и подкаст“, рече нејзиниот портпарол во соопштението.
Еплгејт постојано и отворено зборуваше за својата здравствена состојба. Во февруари, таа откри дека често е прикована за кревет поради постојана болка. Во исповед за списанието People, таа сподели како, и покрај сè, сè уште се обидува да ја вози својата 15-годишна ќерка Сејди до училиште и други активности.
„Сакам да ја возам, тоа е мојата омилена работа. Тоа е единственото време што го имаме само за себе“, рече таа.
„Си велам: Само однеси ја безбедно и врати се дома во кревет. И го правам тоа.“
Таа има ќерка, Сејди, со холандскиот музичар Мартин Ленобл, со кого се омажи во 2013 година.
Ѕвездата од „Sweetest Thing“ ја објави својата дијагноза за мултиплекс склероза во август 2021 година во емотивна изјава на платформата X, порано Твитер. „Здраво пријатели. Пред неколку месеци ми беше дијагностицирана мултиплекс склероза. Беше чудно патување. Но, имав огромна поддршка од луѓе што ги познавам, а кои исто така ја имаат оваа болест“, напиша таа во тоа време.
„Беше тежок пат. Но, како што сите знаеме, патот продолжува. Освен ако некој кретен не го блокира“, продолжи таа. „Како што рече една моја пријателка која има мултиплекс склероза: „Ајде да се разбудиме и да ги преземеме потребните чекори“. И токму тоа го правам. Затоа барам приватност сега додека минувам низ сето ова. Ви благодарам“, напиша таа.
Еплгејт се здоби со меѓународна слава со улогата на бунтовната тинејџерка Кели Банди во популарната комедија „Брачни води“, во која глумеше од 1987 до 1997 година.
Таа неодамна објави и мемоари „Ти со тажни очи“, во кои пишува за својата холивудска кариера и нејзината борба со мултиплекс склероза.
фото/Depositphotos
Текстот Хоспитализирана актерката Кристина Еплгејт е превземен од МАКФАКС.
