Аргентинската фудбалска ѕвезда Лионел Меси поради повреда нема да биде во составот на ПСЖ на утрешниот натпревар против Лајпциг во Лигата на шампиони (ЛШ).
Францускиот клуб соопшти денеска дека Меси „чувствува болки во левото колено“ и поради тоа ќе го пропушти гостувањето во Лајпциг.
Меси беше заменет во петокот во триумфот на ПСЖ над Лил од 2-1 поради проблеми со мускулите.
Аргентинецот постигна еден од трите голови на ПСЖ во победата над Лајпиц на домашен терен пред две недели.
ПСЖ води во групата А со седум бодови, еден повеќе од второпласираниот Манчестер сити.
