Лекип“, еден од водечките спортски медиуми во светот, во денешното издание ги објави платите во фудбалскиот клуб ПСЖ. Шесмина во клубот месечно заработуваат повеќе од еден милион евра.
Advertisements
Очекувано, најплатен играч на ПСЖ е Килијан Мбапе. Францускиот репрезентативец минатото лето потпиша нов договор со клубот и според него месечно заработува неверојатни шест милиони евра.
Збирно платите на Нејмар и Лионел Меси нешто помали од платата на Мбапе. Нејмар месечно заработува 3.675 милиони евра, а Меси добива 300.000 евра месечно помалку или 3.375 милиони евра. Меѓу оние со милионска месечна плата се и бразилскиот дефанзивец Маркињос (1,2 милиони), Марко Верати (1,2) и Ашраф Хакими (1.083 милиони евра).
Треба да се истакне дека тренерот на ПСЖ, Кристоф Галтие е најплатен во Лига 1. Искусниот стручњак месечно заработува 665.000 евра.
