Добро е познато колку лошо пушењето влијае на општото здравје на секој поединец. Прочитајте ги чекорите подолу за да ви помогнат да се ослободите од овој порок засекогаш.
Одредете датум кога ќе се откажете од пушењето.
Држете се до тој датум. Погрижете се тој датум да не е премногу далеку за да не ја изгубите мотивацијата да се откажете од пушењето во тој период.
Бидете колку што е можно позафатени
На тој начин ќе имате многу помалку време да размислувате за цигарите. Отстранете ги сите пепелници, запалки и цигари од вашата околина.
Пијте колку што е можно повеќе течност.
Вода, благи чаеви, цедени сокови. Млаката вода ја намалува желбата за цигара. Бидете физички активни. Пешачете наместо да возите или да се возите со автобус. Одете пеш наместо со лифт.
Внимавајте на исхраната
Избегнувајте мрсна храна и грицки. Изберете варено пилешко или риба наместо похувано или пржено свинско месо. Ако не можете без грицки, идеални се јаболката, свежиот морков и зелката. Најдете го вкусот што најмногу ви се допаѓа!
Променете ја вашата дневна рутина.
Обидете се да ја смените продавницата каде што досега сте купувале цигари. Во првите неколку дена избегнувајте места каде што се собираат пушачи. Најдете ново хоби или вратете се на старите, заборавени навики. Изненадете се себе!
СОВЕТ ПЛУС
Изненадете се. Размислувајте позитивно. Понекогаш откажувањето може да биде придружено со непријатни проблеми, но тоа е знак дека телото се опоравува од штетното влијание на цигарите врз вашето здравје. Ако се нервирате, имате силна желба за цигара, слаба концентрација, не грижете се, по неколку недели овој проблем ќе исчезне. Не дозволувајте добрата или лоша ситуација да биде изговор за само една цигара. Од само една цигара до дневниот број на цигари што некогаш сте ги испушиле, патувањето е многу кратко.
