Во утринскиот напад во центарот на главниот град на Бугарија, две лица се избодени и пренесени во болници, соопштија од Итната медицинска помош.
Нема трета жртва која побарала болничко лекување, појаснуваат оттаму, откако првичните информации говорат дека е повредено уште едно лице, објави БНР.
За нападот е уапсена 22-годишна жена. Според првичните информации таа имала психичка болест.
Двајцата со исечени рани се пренесени во Воената болница и во Пирогов во Софија.
Првиот сигнал на 112 бил примен во 08:25 часот, на што веднаш реагирала лекарска екипа.
Избодениот маж има 21 година со расечена рана на грбот. Повредениот е пренесен во ВМА. Мажот е комуникативен и се вршат потребните прегледи, соопштија од медицинската установа, пренесе БНР.
Во 08:34 часот е примен втор итен повик – за инцидент што се случил во близина на првиот. Вториот тим медицински лица му помогнале на 51-годишен маж кој бил прободен со нож во градите.
Жртвата била пренесена во Пирогов. Мажот не е бугарски државјанин, бил примен со расечена рана на грбот, соопштија од болницата.
Текстот (Видео) Две лица избодени во центарот на Софија, уапсена 22-годишна жена е превземен од МАКФАКС.
