Племето Бајау од Индонезија е познато по своето извонредно приспособување во вода, што е резултат на генетски карактеристики.
Живеејќи на море речиси илјада години, овие луѓе се вистински амфибиски народ – ги користат чамците како свој дом и поминуваат голем дел од својот живот во вода. Нивните вештини во слободното нуркање се извонредни, па тие се способни да нуркаат длабоко и долго, користејќи минимална опрема како тегови и очила.
Истражувањата покажале и дека поседуваат уникатна генетска мутација која им помага да се подобрат нивните нуркачки способности. Оваа мутација, позната како „ген на морски номад“, резултира со зголемена слезина. Слезината игра клучна улога во зголемувањето на нивото на кислород во крвта за време на нуркањето.
Дошло до мутација
Д-р Мелиса Илардо од Универзитетот „Кембриџ“ истакнала дека оваа адаптација е поврзана со зголемување на нивото на тироидните хормони, што доведува до поголема слезина. Зборувајќи за Би-би-си, Илардо изјавила дека тие непрекинато нуркаат осум часа на ден, поминувајќи околу 60 отсто од своето време под вода.
Иако тие се познати по нивните импресивни нуркачки вештини, нивниот начин на живот во моментов е под закана. Борбата за добивање државјанство и притисокот од комерцијалниот риболов претставуваат сериозна закана за нивниот традиционален начин на живот.
Извор: Cell
