Вооружен маж денеска уби девет лица во училиште во рускиот град Ижевск пред да се самоубие. Меѓу жртвите има пет училишни деца, двајца наставници и двајца обезбедувачи, пренесе CNN. Локалната полиција соопшти дека вооружениот напаѓач ранил 20 други во училиште во централна Русија. Гувернерот на регионот Удмуртија, Александар Бречалов, во видео изјава во понеделникот рече дека сè уште неидентификуваниот стрелец влегол во училиште во Ижевск, главниот град на регионот и убил чувар и некои од децата таму.
„Според гувернерот и локалната полиција, напаѓачот се застрелал. Училиштето е евакуирано, а областа околу него е оградена, рече претставникот. Не се објавени детали за напаѓачот или неговите мотиви.
