Во електричната колекција на музејот Викторија и Алберт, во Лондон, само еден од над два милиони изложени примероци се однесува како жив организам: лустер. Ова парче не само што осветлува, туку и ја апсорбира светлината и го прочистува воздухот во просторијата.
Од металните гранки на лустерот висат 70 синтетички орнаменти, налик на „лисја“ исполнети со милиони зелени алги и микроорганизми. Алгите ја апсорбираат сончевата светлина и јаглерод диоксид од воздухот. Кога сето тоа ќе се помеша со водата и хранливите материи кои циркулираат во листовите, се создава кислород. Накратко, овој лустер врши фотосинтеза!
Кога посетителите на музејот го обиколуваат ова уметничко дело, насловено како „Издишување“, дишењето станува реципрочна активност: тие издишуваат CO₂, кој алгата го заменува со кислород.
„Издишување“ е дизајниран од инженерот-пронаоѓач Џулијан Мелкиори и неговата компанија Arborea. Оваа стартап компанија развива технологии за индустријализирање на фотосинтезата за употреба во одржливи прехранбени системи, како и во борбата против климатските промени и загадувањето. Мелкиори вели дека алгите кои се применуваат на овој начин функционираат толку добро што наскоро би можеле да се користат пошироко: во „биосоларни“ панели на покривите на зградите, па дури и на вселенски бродови и во вселенски колонии.
Извор: енаука.мк
