Без разлика дали ви се допаѓа или не, сите можеме да се согласиме дека вежбањето е важно за одржување на нашето физичко и ментално здравје. Не е важно дали вежбате за ментална стабилност и позитивните ендорфини кои може да ги обезбеди, или се обидувате да изгубите некој килограм вишок, тренерите нагласуваат дека времето поминато во теретана е многу корисно, пренесува Byrdie.
Меѓутоа, кога ќе дојде време да се „фатиме за работа“, повеќето од нас не знаат од каде да почнат за да ги максимизираат резултатите. Да пиеме или да јадеме пред тоа? Што е со истегнување? Или можеби треба да земеме додаток? Има навистина многу прашања, а кога е во прашање нашето здравје, најдобро е да бидеме безбедни. Поради ова, тренерите одлучија да откријат пет работи пред тренинг кои помагаат да се постигнат подобри резултати за време на тренингот, а тие вклучуваат:
- планирајте ги вашите тренинзи однапред за да не ги прескокнете
- задолжително истегнување
- јадење лесна и здрава храна
- земање суплементи
- доволно сон
Сепак, тренерите нагласуваат дека, особено кога станува збор за земање суплементи пред тренинг, потребно е да се води сметка за видот на суплементот што го земаме. На пример, креатин монохидрат сè уште е најпопуларната форма на додаток во фитнес светот. Со оглед на тоа дека ќе ви обезбеди сила, ќе ја зголеми издржливоста и ќе ја намали болката за време и по тренингот, повеќето тренери го препорачуваат овој конкретен додаток за најдобри можни резултати.
