Португалскиот стручњак ја напушти тренерската клупа на Рома на крајот од оваа сезона.
Фонсека не се согласи да продолжи да работи со Рома и клубот одлучи тој повеќе да не биде тренер на овој тим.
Рома одлучи дека нов тренер од следната сезона ќе биде Жозе Мурињо, а тие се простија од Фонсека пред две недели кога официјално заврши сезоната во Серија А.
Сепак, се чини дека Фонсека нема да чека долго за да најде нов ангажман и како што стојат работите, неговата кариера ќе продолжи во Англија.
Имено, вечерва многу италијански и англиски медиуми објавија дека Фонсека е во преговори со Тотенхем и дека се чини дека тој ќе биде новиот тренер на англискиот клуб.
Џанлука Ди Марцио објави дека преговорите се при крај, а наскоро се очекува и официјална потврда.
Tottenham are in advanced talks with Paulo Foncesca about becoming their new manager on a three-year contract. (Source: @DiMarzio) pic.twitter.com/QYZFIRq2nj
— Transfer News Live (@DeadlineDayLive) June 9, 2021
Фонсека се согласи на условите што му ги понуди Тотенхем, и тој треба да потпише тригодишен договор со лондонскиот клуб.
Интересно е што Мурињо и Фонсека практично си ги заменија местата. Мурињо беше тренер на Тотенхем до пред два месеци, но беше отпуштен поради низата слаби резултати.
