Најмалку 15.000 луѓе досега починале во Европа поради жештините во 2022 година, објави Светската здравствена организација, а меѓу најтешко погодените земји се Шпанија и Германија.
Трите месеци од јуни до август беа најтоплите во Европа досега, а екстремно високите температури доведоа до најлошата суша што континентот ја видел од средниот век.
„Врз основа на досега доставените податоци, се проценува дека најмалку 15.000 луѓе починале токму поради жештините во 2022 година“, изјави регионалниот директор на Светската здравствена организација за Европа, Ханс Клуге.
Тој додаде дека речиси 4.000 смртни случаи се регистрирани во Шпанија, повеќе од 1.000 во Португалија, повеќе од 3.200 во Обединетото Кралство и околу 4.500 смртни случаи во Германија. Ова се бројките што ги објавија здравствените власти во текот на трите месеци за време на летото.
