Во вторник репрезентацијата на Хрватска го игра натпреварот од последното коло од групната фаза на Европското првенство против Шкотска.
Ватрени ги разочара навивачите со своите игри на претходните два натпревари затоа што успеаја да освојат само еден бод, а го загрозија и пласманот во нокаут фазата од ова натпреварување.
Хрватска беше поразена од Англија во првото коло со 1:0, додека пред неколку дена ремизираше против Чешка играјќи 1:1. Сега е јасно дека во последното коло Хрватите мора да победат ако сакаат да одат понатаму.
Пред натпреварите од последното коло од групната фаза, имаше и теоретски шанси Хрватска да се пласира понатаму како најдобра третопласирана репрезентација, и тоа само доколку има два бода.
Во тој случај, ремито одговараше на тимот на Далиќ против Шкотска, но само доколку Швајцарија и Турција ремизираа, а Словачка ја победи Шпанија, а Шведска ја победи Полска.
Сепак, првиот ден сето тоа падна во вода затоа што денес Швајцарците ги победија Турците со 3:1 и имаат големи шанси да бидат една од најдобрите третопласирани екипи.
Сега е јасно дека на Хрватска во вторникот на „Хампден парк“ во Глазгов против Шкотска и треба само победа за пласман во осминафиналето на Евро.
Со победата на табелата на најдобрите третопласирани селекции, Хрватите сигурно ќе беа пред Швајцарија поради подобрата гол-разлика.
Сè освен победата на Ватрени би значело дека нема да ја гледаме Хрватска во нокаут-фазата на ЕП, што навистина би било сензација откако тие беа светски вицешампиони пред три години.
За потсетување, натпреварот помеѓу Шкотска и Хрватска се игра во вторник од 21 часот.
