Се појави оглас за продажба на дел од островот Галешњак, познат и како „островот на љубовта“. Цената е 10 милиони евра.
„Остров во облик на срце со околу 142.000 м2 од кои се продава дел со нешто повеќе од 30.000 м2 што е едно парче и се протега на повеќе од 500 метри крајбрежје! Можете да направите нешто навистина уникатно со овој имот, особено кога постојано ги паркирате гостите со јахти како Бијонсе и Џеј Зи (Бијонсе таму дури еднаш го прослави својот роденден), Џеф Безос, Мајкл Џордан итн“, се вели во огласот.
Како една од опциите се споменува и отворањето на ОПГ.
„Фарма што може да се формира на површина од три хектари. Покрај тоа, може да се изградат 400 квадратни метри надземни згради и 1000 метри квадратни подземни згради. Тоа е одлична можност за земјоделски елитен туризам со вила и/или ресторан и голем магацин за маслинки, вино и други билки…“, се наведува во огласот кој можете да го погледнете ТУКА.
Островот Галешњак на каналот Пашман е еден од најпрепознатливите хрватски островчиња, а Брајтсајд своевремено го вклучи во својата листа од 20 светски чуда. Во 2019 година, научниците од Катедрата за археологија на Универзитетот во Задар открија дека луѓето живееле таму пред повеќе од 7.000 години.
