Властите на четири украински територии, поставени од Русија и контролирани од Москва, почнаа да одржуваат таканаречени референдуми за приклучување кон Русија.
Москва преку овој процес сака да ги анектира украинските региони. Администрациите во Луганск, Доњецк, Керсон и Запорожје ги одржуваат овие референдуми, кои се во спротивност со меѓународното право и Повелбата на Обединетите нации.
„Им даваме право на глас на сите граѓани на Народна Република Доњецк кои се на нашата територија, како и во странство. Отворени се гласачките центри за референдумот“, изјави Владимир Висоцки, сепаратистички шеф на изборната комисија.
„Референдумот нема да биде за секоја држава, тоа е јасно. На пример, НАТО, Америка нема да го прифати. Но, другите земји што ја поддржуваат Русија ќе го прифатат“, рече Олга, жител.
Украинскиот претседател Володимир Зеленски изјави дека гласовите се недемократски. Во меѓувреме, експертите го опишуваат рускиот референдум на територијата на Украина како лажен и смешен.
„Путин веројатно верува дека со одржување на овие лажни и смешни референдуми, ќе може да ги зајакне своите изјави дека руската територија е нападната од Западот. Ова е она што тој се обидува да го продаде на населението. Значи, тоа е голема промена на ставовите во однос на почетокот на оваа војна, која беше, како што знаете, ослободувањето на Украинците од режимот во Киев, додека сега вели да се спаси татковината, Русија од лошите Украинци во Западот”, рече Аманда Пол, аналитичар на Европскиот политички центар за Русија.
Лидерите инсталирани од Кремљ во Луганск, Доњецк, Керсон и Запорожје изјавија дека планираат да одржат гласање за анексија до 27 септември. Украина и Западот рекоа дека нема да ги признаат овие референдуми како легитимни. Одлуката за нивно одржување доаѓа во време кога украинската армија развива контраофанзива кон овие региони, ослободувајќи градови и села и зголемувајќи ги шансите за пораз на руските воени сили. Западните власти рекоа дека плановите на Путин да ги искористи овие незаконски референдуми за да добие контрола над окупираната украинска територија и заканите дека ќе користи нуклеарно оружје за да се брани себеси, се обиди да ги исплаши Киев и западните поддржувачи од проширувањето на контраофанзивата./Alsat.mk
