Алерголозите објаснија дека клучната разлика помеѓу сезонските алергии и симптомите на коронавирусот е појавата на зголемена телесна температура.
Повеќето пациенти кои имаат долгогодишни проблеми со алергиите, научија да ги препознаваат симптомите – течење на носот, гребење во грлото… Клучната разлика е во појавата на зголемена телесна температура, сезонските алергии нема да манифестираат температура, потенцираат алерголозите.
Алергиите можат да бидат проследени со течење или затнат нос, гребење во грлото и кашлица предизвикана од постназално капење, кои би можело да потсетува на кашлица предизвикана од коронавирусот.
Сетила за мирис и вкус
Губењето на сетилата за мирис и вкус се симптоми на ковид-19, што не е карактеристика на алергија.
Чешање на очите
Алергиите често предизвикуваат чешање, насолзени и црвени очи. Ковид-19 не е поврзан со овие типови на симптоми на алергиски конјунктивитис. Сепак, се порачува доколку луѓето не се сигурни дали имаат алергија или најрани симптоми на инфекцијата со ковид-19, да се обратат кај лекар, бидејќи со минимална дијагностика лесно е да се утврди за што станува збор.
