Петмина работници се водат за исчезнати, а неколку се повредени, при што дел од нив се наоѓаат во сериозна состојба, во експлозијата во фабрика за хемикалии во градот Леверкузен во западна Германија, соопшти Авермента, оперативната компанија на индустриско хемискиот парк.
Advertisements
Експлозијата предизвика тревога за „екстремна опасност“ и ги натера официјалните лица да ги повикаат жителите да се засолнат во затворени простории и да ги затворат прозорците.
Во индустрискиот парк Чемпарк се сместени неколку големи хемиски компании, вклучувајќи ги Баер и Ланксес. Авермента соопшти дека експлозијата се случила во дел од локацијата каде што се согорува отпадот. Се уште не е јасно која е причината за експлозијата.
