Луѓето не трошат толку многу пари за други работи, па затоа инвестираат во себе и својот изглед. Тие многу се гледаат преку онлајн состаноците и камерите – вели Фрати.
Некои индустрии тешко преживуваат оваа година, но не и клиниките за естетска хирургија и хирургија.
Докторот Рикардо Фрати, сопственик на клиниката за козметичка хирургија „Frati Cosmetic Surgery“ во Лондон, откри дека барањата и интересот за операција на носот и други помали интервенции на лицето се зголемија за 30 проценти во оваа година.
– Луѓето не трошат толку многу пари за други работи, па затоа инвестираат во себе и својот изглед. Тие многу се гледаат преку онлајн состаноците и камерите – вели Фрати.
Мајони Гунератне, сопственик на клиниката „The Clinic by Dr Mayoni“, се согласува со колегата.
– Дефинитивно имаме многу повеќе состаноци и прашања во врска со процедурите. Луѓето имаат многу слободно време оваа година, многу се гледаат во огледало. Најчесто барање е ботокс – вели таа, а Харли Стрит, експерт за микроблејдирање веѓи, тврди дека многу луѓе одлучиле и за трајна шминка.
– Имавме многу состаноци за трајна шминка – очи, веѓи и усни. Луѓето сакаат секогаш да изгледаат добро на онлајн состаноците без да поминуваат многу време за уредување – вели Стрит.
Едно истражување спроведено од „Cosmetify“ открива дека додека некои престанале да купуваат производи за обликување, други станале свесни за нивниот изглед – особено брчките и темните кругови под очите – па затоа решиле да се обратат до козметичарите и козметичките клиники.
Некои брендови дури одлучија да ги „преместат“ козметичките третмани преку Интернет, па преку апликацијата „Zoom“ можете да организирате состанок со професионалец кој, чекор по чекор, ќе ве доведе до негувана и убава кожа, пренесува „Metro“.
