Министерството за здравство информира, дека согласно податоците од Институтот за јавно здравје во последните 24 часа направени се 2.430 тестови, а регистрирани се 294 нови случаи на КОВИД-19. Од вкупниот број на позитивни, регистрирана е 41 реинфекција. Во изминатите 24 часа регистрирани сe 235 оздравени пациенти. Регистрирани се две починати лица, а согласно регистарот за починати лица од Мој Термин, дополнително се пријавени уште четири смртни случаи. Кај сите лица се регистрирани коморбидитети. Бројот на активни случаи изнесува 1.835.
