Здружението на граѓани „ДЕЛО“–Скопје достави предлог Декларација за осуда на говорот на омраза, потикнување раздор и нетрпеливост кон Република Бугарија и бугарскиот народ до Здружението на новинарите на Македонија.
Во прилог ви ја доставуваме предлог декларацијата:
Посебно имајќи ги предвид меѓународните договори и правни акти кои ги има ратификувано Собранието на Република Северна Македонија како што се: Универзалната декларација за човекови права, Меѓународниот пакт за граѓански и политички права и Меѓународната конвенција за елиминирање на сите форми на расна дискриминација, усвоени од Генералното собрание на Обединетите нации, Европската конвенција за заштита на човековите права заедно со протоколите кон конвенцијата и Договорот за пријателство, добрососедство и соработка меѓу Република Северна Македонија и Република Бугарија, Здружението на граѓани за промоција, издавање, иницијативи и меѓународна соработка „ДЕЛО“–Скопје, поведува иницијатива до Претседателот на Здружението на новинарите на Македонија, да биде донесена следната:
ДЕКЛАРАЦИЈА
ЗА ОСУДА НА ГОВОРОТ НА ОМРАЗА, ПОТТИКНУВАЊЕ РАЗДОР И НЕТРПЕЛИВОСТ КОН РЕПУБЛИКА БУГАРИЈА И БУГАРСКИОТ НАРОД
- Членовите на Здружението на новинарите на Македонија го осудуваат говорот на омраза, поттикнувањето на раздор и нетрпеливост изразен во медиумите кон Република Бугарија и бугарскиот народ, вклучително и македонските Бугари кои се граѓани на Република Северна Македонија.
- Членовите на Здружението на новинарите на Македонија ќе се воздржат од говор на омраза, поттикнување на раздор и нетрпеливост кон Република Бугарија и бугарскиот народ, вклучително и кон македонските бугари кои се граѓани на Република Северна Македонија и од изјави во медиумите кои содржат дискриминаторска содржина по основ на нивното национално потекло.
- Членовите на Здружението на новинарите на Македонија, во јавноста ќе промовираат и поттикнуваат содржини за превенција и амортизација на говорот на омраза, раздор и нетрпеливост кон Република Бугарија, бугарскиот народ и македонските бугари кои се граѓани на Република Северна Македонија.
- Членовите на Здружението на новинарите на Македонија апелираат до пратениците во Собранието на Република Северна Македонија, до органите на извршната власт, судовите, сите други државни органи, правни и физички лица на кои со закон им е доверено да вршат јавни овластувања, како и органите на општината, на градот Скопје и општините во градот Скопје, да вршат превенција од директна и индиректна дискриминација, вознемирување, виктимизација и сегрегација насочена кон македонските Бугари.
- Членовите на Здружението на новинарите на Македонија, ја потврдуваат определбата за унапредување на односите со Република Бугарија, преку конструктивен дијалог, како суштински придонес за сузбивање на говорот на омраза.
