Тројца жители на Македонија се заразени со подвидот на сојот омикрон, наречен БА.2 или како што некои научници го нарекуваат „стелт омикрон“ пишува неофицијално „Фокус“.
Како што пишува „Фокус“ станува збор за двајца пациенти од Скопје и еден од Струмица. Во лабораторијата на Институтот за јавно здравје направена е типизација на 41 примерок од кои 35 граѓани се носители само на омикрон, додека тројца на новиот подвид. Исто така, се уште е присутен и делта сојот, кој дава потешка клиничка слика на заразените.
Претходно, Светската здравствена организација соопшти дека стелт омикрон е откриен во 57 земји, додавајќи дека прелиминарните податоци покажуваат дека е позаразен од другите видови на омикрон.
Пред неколку денови подвидот беше откриен и во регионот, Хрватска, Црна Гора и Србија.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
