„ЕУ нема сила, нема желба и не се интересира за тоа какви проблеми имаат нејзините земји-членки“.
Така, поранешниот премиер Иван Костов за Бугарското национално радио го коментира односот на ЕУ кон односите меѓу Бугарија и Република Северна Македонија, пренесува Трибуна.
Според Костов, „кога ЕУ ќе види дека има неисполнет договор на земја-кандидат со земја-членка, мора да го земе проблемот и да го реши со свои средства“.
„Ова не е проблем на бугарската држава, сите обиди да се минимизира, го заобиколува суштинскиот проблем – договорот што е склучен не се спроведува во поголемиот дел од Република Северна Македонија. ЕУ мора да го вклучи спроведувањето на договорот во посебно преговарачко поглавје“ вели Костов.
Поранешниот бугарски премиер Иван Костов истакна дека политичките говорници во РС Македонија кои тврдат дека Бугарија не го признава нивниот идентитет лажат.
„Јазикот е признаен според Уставот на земјата, а идентитетот е фундаментално право, заштитено од ОН“, вели Костов.
Нашата бугарска позиција не е проблем на Бугарија. Европа не може да ги брани вредностите што ги прокламира. На пример – мултикултурализмот“, додава поранешниот бугарски премиер.
