Актуелните анти ковид мерки не дозволуваат масовни собири, особено без растојание и маски. Меѓутоа, колку ќе можат да ги почитуваат ваквите ограничувања партиите за време на митинзите и разните собири за време на изборната кампања?
Крешник Бектеши од ДУИ рече дека неговата партија докажала дека се придржува до правилата за корона вирусот и за време на други настани. Тој дури апелираше до нивните опоненти да ги почитуваат протоколите.
„ДУИ и претходно покажа дека постојано се придржува до анти ковид протоколитге, имајќи го предвид фактот дека и во минатото, организирањето други настани било согласно протоколите предложени од КЗБ усвоени од Владата, значи секојпат сме се придржувале до ситите и апелираме и другите политички партии да се придржуваат до прописите, со единствена цел, да се заштити здравјето на граѓаните“, истакна Крешник Бектеши.
Арјанит Хоџа од Движење Беса рече дека ќе водат скромна кампања придржувајќи се целосно до здравствените мерки.
„Движење Беса ќе води скромна кампања со нагласена креативност и поголема концентрираност, на граѓаните да се пристапи од врата на врата, од блиску да ги запознаеме со политичката понуда на Движење Беса за овие избори. Нашата кампања ќе биде позитивна, афирмативна и со високо ниво на почитување на противникот, исто така имајќи предвид дека сме среде пандемија со Ковид 19, сите наши активности ќе бидат во целосна согласност со здравствените мерки и целосно почитување на здравствените мерки“, вели Арјанит Хоџа.
И ВМРО-ДПМНЕ ќе одржи средби со граѓаните за презентирање на кандидатите на терен, но од партијата на Мицкоски велат дека се ќе се одвива согласно анти ковид протоколите.
Дека ќе ги почитуваат протоколите, ветија и од коалицијата Алијанса/Алтернатива.
„Коалицијата АА-ААА за време на целата кампања ќе се придржува до протоколите за заштита од Ковид 19, со носење маски и сите настани ќе ги организира на отворено“, велат од АА-ААА.
Ова се трети избори по ред по предвремените парламентарни избори минатата година и дополнителните избори за градоначалници на Штип и Пласница, кои се организираат со анти ковид протоколи.
Извор ТВ21.
