Европската агенција за лекови (ЕМА) соопшти дека го разгледува барањето за употреба на лек за артритис за лекување на ковид-19 кај возрасните пациенти со воспаление на белите дробови, и кај кој постои ризик од развој на тешка респираторна инсуфиенција.
Во соопштението на ЕМА се вели дека ќе ги анализираат резултатите на две клинички студии кои се во тек кои ги испитуваат безбедноста и ефикасноста на тој лек кај пациенти хоспитализирани со ковид-19, пренесува Ројтерс.
Лекот „клинерет“ одобрен е за лекување на низа воспалителни состојби, а го произвел шведскиот произведувач на лекови за ретки болести „Соби“.
Лекот ја намалува активноста на имунолошкиот систем, а неговата активна супстанција ја блокира активноста на хемискиот преносител во имунолошкиот процес кој доведува до воспаление.
Се смета дека лекот би можел да помогне во намалување на воспаленијата и оштетувањата на ткивата поврзани со ковид-19, соопшти ЕМА, додавајќи дека резултатите од анализата се очекуваат во октомври.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
