Најмалку едно лице загина, а пет се повредени во експлозијата во романската рафинеријата Петромидија која се наоѓа на Црното Море, соопштија тамошните власти.
Advertisements
Причината за експлозијата допрва треба да се утврди, соопштија официјалните лица.
Снимките направени од турист, кој се наоѓал на блиската плажа, емитувани од телевизијата Диги24, покажуваат црн чад како се издига од областа покрај рафинеријата. Рафинеријата е во сопственост на Ромпетрол Рафинаре, сопственост на казахстанската меѓународна групација Казмунајгас (КМГ).
Спасувачки екипи и пожарникари работат на гаснење на пожарот, изјави Силвиу Коса, главен на округот каде се наоѓа рафинеријата. Тој додава дека нема ризик пожарот да предизвика уште една експлозија.
Премиерот Флорин Циту на својата страница на Фејсбук им порача на локалните власти да проценат дали е потребна евакуација на локалното население и туристите.
