Претседателот на Србија, Александар Вучиќ, вечерва во Абу Даби истакна дека се договорил заедно со Обединетите Арапски Емирати и Кина да се произведува вакцина против коронавирусот на кинеската компанија „Синофарм“ во Србија.
По средбата со престолонаследникот Абуд Даби и заменик врховниот командант на вооружените сили на ОАЕ, Мохамед бин Зајед Ал Нахјан, Вучиќ за РТС посочи дека вечерва е направен голем договор
– Во наредните денови, во рок од две недели, ќе го сториме тоа и јавно и ќе потпишеме. Ќе биде целосно гринфилд, нова фабрика за вакцини, за вакцини „Синофарм“, која ќе ја градиме заедно со ОАЕ и Кинезите во Србија – објасни претседателот.
Вучиќ посочи дека покрај распоредот направен со надлежниот руски министер, за производство на руска вакцина во рамките на Торлак, било договорено фабриката за вакцината „Синофарм“ да заврши и да започне со производство на 15 октомври.
– Оттогаш ќе имаме големи количини вакцини за нас, но и за целиот регион, бидејќи она што го дознав вечерва е дека ќе мора да ја даваме вакцината и на регионот, бидејќи лечењето на наши луѓе или постапувањето превентивно од наша страна, не вреди ако има проблем во регионот – објасни тој.
