Филипче и Заев мора јавно и недвосмислено да одговорат дали знаеле за внесот на 110 милиони евра од Венецуела во Македонија и дали некој од тогашната власт имал улога во трансакциите, кажа на прес-конференција Бране Петрушевски, заменик генерален секретар на ВМРО-ДПМНЕ и пратеник.
Според него, во 2019 година, кога Заев беше премиер, а Филипче министер, преку „Еуростандард банка“ биле реализирани трансакции во вредност од 110 милиони евра, сомнителни пари од Венецуела која тогаш беше под санкции.
Дополнително, додаде Петрушевски, трансакциите поминувале или стигале до земјите како Русија, Белорусија и Србија.
„Каде се Филипче и Заев, таму има руски, белоруски и српски влијанија.
Затоа кај СДС работи Фројд, мислат дека сите имаат задни намери како што имаа тие.
За разлика од нив, денес имаме влада која заштитува банка и штедачи, а не ги банкротира банките или пак ускратува штедачите.
Тоа е главната разлика. Не сме сите исти“.
