Кинескиот претседател Ши Џинпинг и султанот на Оман, Хаитам бин Тарик ал-Саид се сретнаа денес во Пекинг за да разговараат за зајакнување на економските и политичките врски меѓу двете нации. Оманскиот султан предложи склучување на конкретен договор за трговија и инвестиции, кој би овозможил поголема размена на стоки и нови инвестиции, пренесува Ројтерс.

„Уверени сме дека таков договор би отворил нови можности за трговија и инвестиции, истовремено олеснувајќи ја и унапредувајќи ја економската и инвестициската соработка меѓу нашите две земји“, изјави султанот на почетокот на средбата со Ши во Големата сала на народот во Пекинг.

#أثير| شاهد مراسم الاستقبال الرسمية التي أُقيمت لجلالة السلطان المعظّم في قاعة الشعب الكبرى بـ #الصين

@MFA_Chi a @Chi aEmbOma @Oma EmbassyCN @FMofOma #عمان_والصين_شراكة_ونمو #Oma _Chi a_Pa t e ship_G owth https://t.co/OlS2PpiIg6

— أثيـر | Athee .om (@Athee _Oma ) Novembe 2, 2026

Оман сака поголема трговија со КинаОман има за цел да ја зголеми трговијата со Кина и да започне заеднички проекти преку инвестициски фондови. Според државната новинска агенција на Оман, султанот ги посочил обновливите извори на енергија, вештачката интелигенција, дигиталните технологии, вселенската индустрија и одбраната како потенцијални области за соработка.

Кина е веќе најголемиот трговски партнер на Оман, при што Оман извезува сурова нафта и други енергетски производи во оваа земја. Економските и туристичките врски дополнително се зајакнаа по воведувањето на директни летови меѓу Пекинг и Мускат минатиот ноември. Истовремено, Оман работи на развој на капацитетите за производство и снабдување во секторот за обновливи извори на енергија, како и во областа на дигиталната трговија.

Ши: Сакаме да ги подигнеме односите на повисоко нивоШи Џинпинг изјави дека Кина го гледа продлабочувањето на односите со Оман како заеднички стратешки избор на двете нации. „Подготвен сум да работам со Вас за да го подигнеме стратешкото партнерство меѓу Кина и Оман на уште повисоко ниво, со што подобро ќе им служиме на народите од нашите две земји и ќе придонесеме за мирот, стабилноста и просперитетот во регионот“, рече Ши, според извештаите на новинарите кои ја следеа средбата.

Султанот Хаитам пристигна во Пекинг вчера во дводневна посета. Ова е прва посета на еден омански шеф на држава на Кина откако двете земји воспоставија дипломатски односи во 1978 година. На аеродромот го пречека гувернерот на кинеската централна банка, Пан Гонгшенг. За време на посетата, оманскиот лидер особено ја нагласи важноста на соработката меѓу инвестициските и финансиските институции на двете земји.

ПОВРЗАНИ НАПИСИПОВЕЌЕ ОД АВТОРОТ