Најниска утринска температура од нула степени е измерена на Попова Шапка, додека најмногу дожд во изминатите 24 часа наврнал во Струмица, каде што се измерени 25 литри на метар квадратен, покажуваат податоците од метеоролошките станици.
Температура од два степени е измерена во Маврови Анови, четири степени во Крушево и Лазарополе, а шест степени во Претор и Куманово.
Во Прилеп се измерени шест степени, додека седум степени имало во Тетово, Берово, Крива Паланка, Штип, Скопје – Зајчев Рид, Охрид, Виница, Битола и Велес. Најтопло утрово било во Гевгелија, со измерени 10 степени.
Според измерените количини на врнежи, по Струмица следуваат Виница со 24 литри на метар квадратен, Демир Капија со 20, Штип и Крива Паланка со по 19, како и Гевгелија со 18 литри на метар квадратен.
Во Кавадарци наврнале 16 литри на метар квадратен, во Претор 15, во Битола и Крушево по 13, а во Велес 11 литри на метар квадратен.
Времето денеска ќе биде претежно облачно, со повремени врнежи од дожд, кои локално ќе бидат пообилни и ќе надминат 25 литри на метар квадратен.
Ќе дува слаб до умерен ветер од североисточен правец, а максималната температура ќе се движи од 11 до 15 степени.
Во Скопје ќе биде претежно облачно со повремен дожд, особено во попладневните часови и во текот на ноќта. Ќе дува слаб ветер од северен правец, а максималната температура ќе достигне до 14 степени.
