Поранешниот српски претседател Александар Вучиќ оцени дека светот се движи кон голем воен конфликт и дека Третата светска војна е неизбежна поради забрзаното вооружување на европските земји.
Во интервју за руската новинарка Ксенија Собчак, тој предупреди на зголемување на трошоците за одбрана низ цела Европа, вклучително и во скандинавските земји, кои истовремено ги зајакнуваат своите воени капацитети.
Како пример, тој го наведе германскиот одбранбен концерн „Рајнметал“, чиј профит, тврди тој, се зголемил седумнаесет пати поради зголемената побарувачка за воена опрема. „Не сум ниту будала ниту слеп. Ако не гледате како Европа се вооружува, тогаш намерно го игнорирате. Но, зошто се вооружуваат? Со која цел?“, праша Вучиќ.
⚡️ “Wo ld Wa III is i evitable,” — Vučić
Acco di g to Vučić, Eu ope is apidly ea mi g a d p epa i g fo a la ge-scale co flict, pou i g e o mous amou ts of mo ey i to weapo s.
“It’s like i Chekhov’s plays: if a gu is ha gi g o the wall i the fi st act, it will go off i … pic.twitte .com/ZFA OaHYGO
— NEXTA (@ exta_tv) Octobe 20, 2026
Вучиќ ја спореди ситуацијата со литературното правило од драмите на Антон Чехов, според кое пиштолот што се појавува во првиот чин мора да пука на крајот. Тој верува дека истата логика би можела да се примени и на Европа, каде што акумулацијата на оружје би можела да заврши со вооружен конфликт.
Тој рече дека европските влади продолжуваат да ги зајакнуваат своите вооружени сили, а зголемените трошоци за одбрана ги објаснуваат со потребата од заштита од Русија.
Вучиќ изрази песимизам за меѓународната безбедносна ситуација и оцени дека подготовките за голема војна се сè поочигледни. „Би бил најсреќниот човек на светот ако грешам, но се плашам дека тоа не е случај“, рече Вучиќ, како што објавија српските медиуми.
Ова не е прв пат тој да предупредува на можноста за глобален конфликт, а како главни причини ги посочува геополитичките тензии и воената ескалација.
За време на разговорот, тој се осврна и на односите на Србија со Русија и западните земји, како и на војната во Украина. И покрај предупредувањата, тој го повтори ставот дека дипломатијата и преговорите остануваат клучни за спречување на понатамошна ескалација.
